Urtebeteko kartzela, preso baten irudi bat erakusteagatik

MADRIL. Espainiako Auzitegi Nazionalak urtebeteko kartzela zigorrera eta zazpi urteko inhabilitaziora zigortu zuen atzo Aritz Arzallus. Azpeitikoa da Arzallus, eta iazko herriko jaietan sakabanaketarekin amaitzeko eta euskal presoak Euskal Herriratzeko eskatzeko herriko preso baten argazki bat erakutsi zuela leporatu diote, eta «terrorismoa goratzea» egotzi diote horregatik. Fiskalak urte eta erdiko kartzela zigorra eskatu zuen; defentsak, aldiz, absoluzioa.