Ustez Onkologiko zaharrean lapurtzen saiatu da gazte bat

DONOSTIA. 20 urteko gazte bat atxilotu zuten atzo goizean Donostiako Onkologiko zaharrean lapurtzen saiatzea egotzita. Ustez, alarma sistemari kalteak eragin zizkion. Ertzainak eraikinera sartu ziren zaindari batek lagundurik, eta geletako batean aurkitu zuten gaztea, eskuetan metalezko barra bat zeramala.