SOS Vitalquiler plataformako dozenaka kidek daukaten egoera salatu zuten atzo, Adania enpresaren egoitzaren aurrean. Jakinarazi dute azken asteetan ez dietela informaziorik eman. Adaniak kudeatzen dituen etxeetarako Vitalquiler diru laguntza eteteko aukera jakinarazi zuenean, Vital Kutxako Gizarte Ekintzarekin asko hitz egin zuten arren, azkenaldian giroa «hoztu» egin dela eta informazio berririk ez zaiela iristen jakinarazi dute. Protesta egin zuten atzo, Gasteizen.
«Ondoriorik ez duten hitzak» entzuten ari direla adierazi dute kaltetuek. Vital Kutxako Gizarte Ekintzak ematen zuen diru laguntzak 2014. urtean jarraituko duen argitu gabe dago oraindik. Dena den, azaldu dute ezinegona 2013ko gertakarietara ere zabaltzen dela. Adania enpresak alokairuen prezioa jaisteko konpromisoa hartu zuen arren, kaltetuek azaldu dute ez dietela jakinarazi jaitsiera hori zein irizpideen arabera egingo duten.
Kaltetuek esan dute azken hilabeteetan zenbait bilera egin dituztela eta datorren astelehenean Eusko Jaurlaritzako Etxebizitza sailburuarekin bilduko direla, egoerari buruzko argibideak eta konponbideak eskatzeko. Egun «etengabeko etxegabetze» batean bezala daudela salatu dute.
Vitalquilerri buruzko informazio falta salatu dute
«Ondoriorik ez duten hitzak» entzuten ari direla jakinarazi dute kaltetuek, eta daukaten ezinegona nabarmendu
Iruzkinak
Ez dago iruzkinik
Ordenatu
