Hona hemen, aurrerapen gisa, Samuel Vuelta Simonen esan batzuk:
- "Poliziaren jardueragatik ETAk, agian, zulo batzuen datuen informazioa jadanik galdua du. Baina uste da bere kontrolpean zeukan guztia eman zuela".
- "[Espainia informatuta al zegoen armagabetzeaz?] Kontu politiko bat da. Bazekiela, seguru. Baina Espainiak ez zuen apirilaren 8koan parte hartu. Frantzian gauzatu zen operatiboa eta Espainiako poliziarik ez zen egon".
- "Akordioa baldin badago gauzek hobera egiteko eta indarkeria bukatzeko, ongi iruditzen zait [euskal] presoez elkarrizketak egotea. (...) Justizia arloak kontuan hartuko duena momentuko errealitatea da. Jadanik arriskurik ez bada, ez litzateke egokia pertsona bat arriskutsu gisa tratatzea".
- "Fiskal gisa diot: oroz gain erakunde terroristaren bukaera falta da. Indarkeria inoiz ez berpizteko borondate adierazle garrantzitsua litzateke, nahiz eta sinbolikoa izan. Eta hori da hemen jendeari gehien axola zaiona. (...) ETAren erabateko desegitea da lehentasuna".
- "Frantzian ez dago aurreikusita justizia trantsizionalaren erabilpena, baina hori gobernuari dagokio, ez Justiziari. Auzi politikoa da".
