Auzitegi Nazionalaren aginduz atxilotu egin dute Xabier Agirre Ibañez, Efe berri agentziak jakinarazi duenez. Hilaren 17an atxilotu zuten, Auzitegi Nazionalak ezarritako zigorra betetzeko. Espainiako Gobernuak Gasteizen duen ordezkaritza batera kateatu zen eta desordena publikoak egotzita atxilotu zuten orduko hartan. Ordea, libre utzi zuten biharamunean.
Agirre 2011ko urrian atxilotu zuten, Belgikan, Ventura Tome iheslariarekin batera. 2011ko abenduan Espainiaratu zuten eta iazko maiatzean epaitu. 2013ko urtarrilean irten zen espetxetik. Bi urteko zigorra ezarri zion Espainiako Auzitegi Nazionalak, kale erasoetan parte hartzea leporatuta.
