Xabier Gurrutxagaren esan batzuk, aurrerapen gisa:
- "Carmen Zubimendi Donostiako Zigor Epaitegiko epaileak argudio juridiko sendoak eman zituen Egunkaria-ko auzi ekonomikoa preskribatutzat jotzeko. Bat nator harekin; auzia ixteko arrazoi juridikoak daude".
- "Fiskaltzak zilegitasuna zuen helegitea aurkezteko, baina edukietan ez du arrazoirik. Harentzat preskripzioa eten zuen autoak ez du zerikusirik auzi honekin, baizik eta Egunkaria-ren itxierako kasuarekin. Gainera, auto horretan ere ez da delitu gertakaririk eta egilerik zehazten".
- "Espero dut Donostiako Lurralde Auzitegiko epaileek gizarte mailan Egunkaria auziarekiko dagoen iritzia ere kontuan hartuko dutela, duela lau urteko absoluzio epaiarekin gizarteak bukatutzat jo zuelako auzia".
