Zapaterok Garoña ixteko muga berretsi du: 2013a

MADRIL. Santa Maria de Garoñako zentral nuklearra (Burgos, Espainia) 2013an itxiko dutela berretsi du Jose Luis Rodriguez Zapatero Espainiako presidenteak. Bide batez, Espainian eta Katalunian dauden zortzi erreaktore nuklearren segurtasuna aztertuko dutela aurreratu du, Fukushimako (Japonia) zentralean gertatutakoaren ostean zehaztu diren irizpide berriak aintzat hartuta.