Zein historia du EHEren Euskaraz Bizi Egunak?

Hirugarren Euskaraz Bizi Eguna izan da aurtengoa. Historia luzeagoa du, ordea, EHE Euskal Herrian Euskaraz-ek antolatzen duen jaiak. Sei urtez (2004tik 2009ra) Hizkuntza Eskubideen Eguna esan zioten, eta 2010era arte ez zioten izena aldatu. Etxarri-Aranatzen (Nafarroa) egin zuten lehenbiziko Euskaraz Bizi Eguna, EHEren sorreraren 30. urteurrenarekin batera. Etorkizunera begira EHEk egin zituen planteamenduetarako mugarri izan zen egun hura. Jai eta aldarrikapen egun horrekin, norbanakoengandik hasita eta komunitatea inplikatuz, euskaraz bizitzearen aldeko apustua indartu nahi du EHEk. Beti izan da festa eta aldarrikapena uztartu izan dituen eguna.