Zortzi gazte atxilotu dituzte Markina-Xemein, Etxebarria, Ondarroa eta Eskoriatzan bart, kale erasoak leporatuta

Espainiako Poliziak zortzi gazte atxilotu ditu bart Lea-Artibai (Bizkaia) eskualdean eta Eskoriatzan (Gipuzkoa), kale erasoak egin izan dituztelakoan. Hogei eraso leporatu dizkiete; besteak beste, Markina-Xemeingo bake epaitegiaren kontra egindakoa eta banketxe batzuen kontrakoak.

Lea-Artibai eskualdean Markina-Xemeinen, Etxebarrian eta Ondarroan egin dituzte atxiloketak. Markina-Xemeinen: Estebe Gandiaga (20 urte), Urko (23) eta Ainhoa Pagoaga (20), Borja Oregi (22) eta Eneko Ostolaza (25). Etxebarrian: Zaloa Zenarruzabeitia (19). Ondarroan: Eneko Etxaburu (18). Eskoriatzan: Iban Etxebarria (21) -markinarra da, eta Eskoriatzan ari da ikasten-.

Fernando Grande-Marlaska Espainiako Auzitegi Nazionaleko epaileak agindu du operazioa, eta 1:30ean hasi eta 8:00etan bukatu dute.

Haien etxebizitzak miatu dituzte poliziek, eta eta Markina-Xemeingo herriko taberna eta Gaztetxea ere bai.

Herritar batzuek deituta, 19:30ean mobilizazioa egingo dute Markina-Xemeinen, operazioa salatzeko.