Eguerdian gertatu da ezbeharra Oiartzunen, Iturriotzen (Gipuzkoa). Oiartzungo Udaleko iturriek azaldu dutenez, "trafikoari itxita" dagoen zubia da. Haien arabera, inguruan lanean ari zen kamioi bat sartu da zubian, eta erori egin da. Oiartzungo Hitza-ren irudiek erakusten dute ondo ezbeharraren tamaina.
Ertzaintzak azaldu duenez, zaurituta dago gidaria, eta ospitalera eraman dute. Garabia beharko dute kamioia hondoratutako zubitik ateratzeko. Zirkulazioa eten egin dute GI-3631 errepidean.
