Amaitu da!! Espainiako Kopako finalean da Athletic, Espanyoli 0-2 irabazita. Aise nagusitu zaizkie zuri-gorriak katalanei, baina arerio gogorragoa izango dute maiatzaren 30eko finalean; Bartzelona.
90. min: Aldaketa Athleticen. Laporte berdegunera, Iñaki Williamsen ordez.
87. min: Azken minutuak, eta partida erabakita dago jada. Hirugarrena egiteko aukera garbia izan du Athleticek korner batean, baina bi geldiketa segidan egin ditu Pau Lopez atezainak.
83. min: Aldaketa Athleticen. Muniain kendu du Valverdek, eta Beñat zelairatu.
70. min: A ze hutsa egin duen Iñaki Williamsek. Kontraerasoan bakar-bakarrik geratu da, Muniain ere gertu zuela, eta hari gola oparitu beharrean jaurtiketa ustela egin du.
63. min: Min hartuta dago Herrerin, eta zelaia utzi du. Baloia atezainarengana atzeratu, eta Herrerinek keinu txarren bat izan du, berak bakarrik min hartzeko. Iraizozek ordezkatuko du.
57. min: Caicedok esku-eskura izan du Espanyolen lehen gola. Jaurtiketa gurutzatua egin, Herrerinek ozta-ozta ikusu, eta zutoinera joan da baloia. Gainontzean, eroso ari da Athletic.
48. min: Partidako lehen aldaketa.Caicedo zelairatu du Sergio Gonzalez Espanyoleko entrenatzaileak, Alvarez kenduta.
47. min: Hasi eta berehala aukera garbia Athleticentzat. Aduriz ia bakarrik geratu da Espanyoleko atezainaren aurrean, baina kanpora bidali du jaurtiketa.
45. min: Hasi da bigarren zatia Cornellan. Finala 45 minutura dute zuri-gorriek.
Atsedenaldia. Partida ezin hobeto bideratu du Athleticek lehen zatian. Aduriz eta Etxeitaren golei esker 0-2 aurretik dira zuri-gorriak, eta Espanyolek hiru gol beharko lituzke kanporaketa iraultzeko.
42. min: GOLA!! Kornerra zuri-gorrien alde, eta Etxeitak buruz egin du gola, lehen zutoinean aurre hartuta. Ia erabakita utzi du kanporaketa Athleticek.
34. min: Aukerak pilatzen ari da Espanyol, baina Athleticek bigarrena sartuko balu ia erabakita utziko luke kanporaketa.
25. min: Berdinketa saihestu du Herrerinek, geldiketa bikain bat eginda. Stuani ia bakarrik geratu da atezainaren aurrean, eta buruz burukoan ongi eutsi dio atezainak.
20. min: Ezer gutxi ari da egiten Espanyol erasoan. Adurizen golaren ostean, ordea, pauso bat aurrera eman dute etxekoek.
12. min: GOLA!! Erdiraketa bat desbideratu du Espanyolek, baloia area ertzean utzita. Adurizek bizkarrez baloia babestu, eta bi arerioren artean jaurtiketa gurutzatua egin du donostiarrak. Aurretik da Athletic.
10. min: Aukera bikaina izan du Andoni Iraolak lehen gola egiteko. Usurbildarrak erdiraketa ustela egin du, baina aldaratzean oso ongi sartu da hegaletik, eta ia area txikian jaso du baloia. Haren paseak ez du errematatzailerik aurkitu.
7. min: Txartel horia De Marcosentzat. Athletic finalera igaroz gero, arabarrak ezingo luke jokatu.
3. min: Bi taldeek nahi dute baloia lehen minutuetan. Gutxienez bi goleko berdinketa behar dute zuri-gorriek finalean izateko.
Hasi da partida Cornellan.
