Berria 
Presoen eta errefuxiatuen egoera, Palestinako Prozesu politikoa eta desobedientzia zibila izan ditu aztergai, besteak beste, Samara Velte BERRIAko kazetariak.
Okupazioak pertsona barrutik haustea du helburu; muturreko egoera bat da, eta gizarteko harreman guztiei eragiten die. Erresistentzian aritutako bi emakume palestinarrek euren esperientzia kontatu dute.
Banaketez harago, palestinarrak elkartzeko gai diren erreferenteak sortzea da lurralde okupatuetako kultur eragileen helburua. Okupaziopean, herrigintzari lotzen zaizkio ezinbestean: «Ez gara harekiko abstraktuak».
Denera, 5.028 palestinar daude Israelgo espetxeetan; «segurtasun presoak» dira Tel Aviventzat. Sakabanaketa fisikoa ez ezik, palestinarren arteko zatiketa politikoa ere oztopo handia da presoen kolektiboa antolatzeko.
