Iraganeko subiranotasunaren hondarra da Hegoaldeko probintziek Espainiako Estatuan duten autonomia fiskala. Erresuma garaitik karlistaldietaraino eutsi zioten autonomia fiskalaren lekuko dira kontzertu eta hitzarmen ekonomikoak. Edozein ezinikusi politiko-ideologikok baino gehiago elkartzen ditu Nafarroa eta mendebaldeko hiru probintziak zergak kudeatzeko eskumena izateak.
Kultur nortasunean euskarak dakarren batasunaren parekotzat jo daiteke autonomia fiskalak burujabetza ekonomikoaren arloan ematen duena. Iraganetik gerorako zubi emankor bat da.
Nafarroak ere ez du aplikatu nahi Raxoik agindutako amnistia fiskala, Gipuzkoak, Bizkaiak eta Arabak bezala. Eta, gainera, ez ditu batere gustuko Madrilen aurrekontua eta murrizketak. Urruti eraman ditu lau herrialdeak azken hamarkadetako ibilbide historikoak. Baina askoz ere gehiagok batzen ditu bereizi baino. Eta krisi ekonomikoa aukera bat izan daitekelurraldetasunarentzat eta burujabetzarentzat.
Hizpideak
Ez daude hain urruti
Iruzkinak
Ez dago iruzkinik
Ordenatu
