Mikel Fernandez. Barakaldo
Sufrimendu pertsonala
23 urte eman ditut PSOEren militantzia politikoan Nafarroako Parlamentuan. Jarduera politiko horregatik ia hogei aldiz izan naiz saharar errefuxiatuen kanpalekuetan Tindufen (Aljeria). Sahararako irtenbide bakarra autodeterminazio erreferenduma dela defendatzen dut. Irtenbide hori Marokok blokeatua dauka, Frantziako eta Espainiako konplizitatearekin.Gaur arte.
Nanak -Saharako neska bat, 17 urte beteko dituena saharar errefuxiatuen kanpalekuetan, eta «papi» deitzen nauena 9 urte zituenetik- honako mezua igorri dit: «Papi, atzo ezagutzen zaituzten espainiar batzuekin egon nintzen, eta esan zidaten Zapateroren sozialistena zinela. Nik esan nien uste nuela ezetz, beti lagundu izan gaituzula asko hezkuntza eta osasun gaietan, eta esaten didazula beti egongo zarela gurekin. Bai, ezta?
Honenbestez, formalki baja eskatzen dut PSN-PSOEn, eta lehenbailehen egitea nahi nuke, Nanari erantzun ahal izateko.
Carlos Cristobal. PSNko kide ohia
(Erredakzioan itzulia)
