Herenegungo ziklogenesia ez zen deus izan orain bi asteburu ezagutu genuenarekin alderatuta. Errepublikaren egunarekin, elementu guztiz desberdinek bat egin zuten, ekaitz perfektu bat sortuz: efemeridea bera; elefanteen kakatzan galdutako erret aldaka; Donostiako Udaletxeak (Eibarkoaren pare?) jasotako bandera; sare sozialetako oihu hiru-kolorea… Etorkizun txit errepublikano baten albiste zekarten ziklogenesiaren jasa guztiek. Eta errepublika deklaratu genuen,errepublikanoak izan ginen asteburu batez. Ilusioak, ordea, ez zuen gehiago iraun.
Eguraldia bezalakoak gara: etorri bezala joaten zaigu burutik haizea, ekaitzaren osteak beti dakar perturbazioa desaktibatu izanaren lasaitua, eguraldi eroak eguzkia eta epela ditu ifrentzu.
Dilema baten aurrean gaude: Loiolako Inazioren esanetan, ekaitzak txarrak dira aldaketak egiteko; aldiz,soziologoek esaten digute eguraldi ona dela txarrena erreferendumetarako.
Hitz beste
Ekaitz ostea
Iruzkinak
Ez dago iruzkinik
Ordenatu
