Estiloa

Tertulia literario adeitsu batean bainengoen, ez nuen partida ikusi. Itzulerakoan, autoko irratia piztu nuen. Hizketan, Pep Guardiola. Ikusleenganako zorra eta publikoaren gozamena aipatu zituen. Garaipena ez dela berea, eredu batena baizik. Urteetatik datorren fruitua dela, jende askok hartu duela parte filosofia bat eta lan egiteko modu bat zehazten. Ez dakiela berena munduko obrarik onena den, denborak ematen duela kalitateari buruzko epaia, garrantzitsuagoa delako epe luzerako perspektiba, unean-uneko sirena hotsekin entretenitzea baino. Sustraiak, identifikazioa eta eredu baten inguruko leialtasuna ere aipatu zituen...

Ez zuenestilo hitza aipatu -nik, behintzat, ez nion entzun-, baina estiloaz ari zela iruditu zitzaidan niri. Artista jendeak izan ohi duen adierazpen-baliabideak erabiltzeko era jakin, propio, bereziaz.

Irudipena nuen tertulia literarioan segitzen nuela...