Etxepare Institutua plazara jalgi zenean Arriaga antzokian eskainitako At! emanaldiarekin, Patxo Telleria antzerkigileak talai polit batera eraman gintuen ikuskizunerako idatzitako testu labur batekin.
Legionario bat eta zenturioi bat hizketan ari dira. Legionarioa, euskalduna gizalegez baina erromatarra guda-zergez, Cohors Vasconum Civium Romanorum kohorteko soldadua da eta Germaniako gerren historia idazten ari da. Naturalen ateratzen zaion hizkuntzan ari ere: euskaraz. Zenturioiak kontu hartzen dio gisa paternalista batez: idazteko etorkizuna duen hizkuntza batean, idazteko latinez, orbe osoan ez dagoela-eta latinak baino etorkizun oparoagoa duen hizkuntzarik. Legionarioak ihardesten dio: zenturioi, zergatik uste duzu zure hizkuntzak nireak baino gehiago iraungo duela?
Etxeparek lehen euskal liburuari latinezko titulua jarri zionerako, hizkuntza hila deitzen zioten zenturioiaren hizkuntzari.
Hitz beste
Etorkizuna
Iruzkinak
Ez dago iruzkinik
Ordenatu
