Gogoratzen?

Gogoratzen bere bakardadean bizi den Karlos gizon angustiatsuaz? Gogoratzen Atxagaren pertsonaiaren dilema politiko eta moralez, iraganaren zamagatik eta etorkizunaren ilunagatik sator baten gisa bizi beharraz? Gogoratzen beste lagun batzuekin batera gestionatutako hotelean egiten duen ogiaren usain sarkorraz? Gogoratzen 1982 urteko futboleko mundu kopak Karlosen hotelera ekarri duen Poloniako selekzioaz, selekzioko Danuta interpretariarisozialismoak jada eragiten dion nekeaz, Boniek futbolari izarrak daukan arrakasta izateko grinaz? Gogoratzen batzuek eta besteek bizi izandako iraultzari buruzko fedearen eboluzioaz, krisiaz, zaharkitzeaz, eta diskurtsoa berritu beharraren aukeraz zein zailtasunez?

Hogeita hamar urte geroago, baloia Polonian da. Baina, baloian zentratu ordez, ezusteko bide bat hartu du ikuslearen arretak: orduko eta gaurko esperantzek eta frustrazioek emandakoa eta kendutakoa du ikuskizun.