Militante baten ingurukoak etxe batean bilduta, hauteskundeetako propaganda prestatzen: ez dakit gaur zenbat ematen den atzo deskribatzen nuen eszena familiarra. Postaria hauteskundeetako gutunazalez gainezka etortzen da gurera. Oraindik ere buzoneatzen da, horixe egia, baina ez garai batean bezala. Talde politiko askotan bukatu da, antza, postontziz postontzi ibiltzea: orain, postariek daramate karga.
Garai batean baino propaganda gehiago ekartzen dute, behintzat, postariek. Alderdi gehienek darabilte posta, baina krisian gaudela ikusita, alderantziz behar luke: gutunazalak prestatzea eta postaren bidea garestiak direnez, logikoagoa ematen du militanteak ibiltzea bai propaganda prestatzen baita buzoneatzen ere. Baina postariak gurera dakarren posta-poltsa bete-betea ikusita, ausart nadin ondorio soziologiko bat ateratzera: talde politiko askoren krisia, ekonomikoa baino areago, militanteena da.
Hitz beste
Hipotesi bat
Iruzkinak
Ez dago iruzkinik
Ordenatu
