2020

Une berezietan nazioarteko komunikabideak ispilu interesgarria izan daitezke Euskal Herriaren moduko herri batek bere burua ikusteko. Nork bere egoera eta erronkak azaldu eta ulertarazteko gaitasuna neurtzeko edo ikuspegi edo bereizgarri berriak antzemateko ispilu baliagarria. Time aldizkariak artikulu luze bat argitaratu zuen atzo webgunean ETAren su-etenari buruz. The New York Times eta The Guardian egunkarien editorialak bezala, Time-ren kronika termometro egokia izan daiteke ohartzeko nazioartean, urruti, gaiak jakin-mina piztu duela, eta garrantzia eta sinesgarritasuna eman diotela ETAren adierazpenari. Time-ren arabera, adibidez, lehen aldia da ETAk indarkeriaren amaierara daraman prozesu batekin konpromisoa hartu duena. Time-ren beraren beste erreportajearen arabera, Euskal Herria etorkizunean independentziarako jauzia egin dezaketen herrien artean dago, Eskoziaren atzetik. 1990ean argitaratutako beste erreportaje batean 2020an independentea izango zela iragarri zuen. Ispilu okerra edo urrutiko begirada?