Lehen aldiz egin dutelako dauka balioa sekulakoa, baina han egindako aldarrikapenengatik eta egiteko moduarengatik dauka, batez ere, balioa sekulakoa. Euskal gehiengo sindikalak (ELA, LAB, EILAS, EHNE eta Hiru) eta Galiziako, Kataluniako eta Kanariar Uharteetako sindikatuek protesta egin dute Madrilen. Lan merkatuaren, pentsioen eta negoziazio kolektiboaren erreformen kontra egin dute ozen, baina beste eredu sindikal baten alde ere bai ozen. Koordinatuta eta elkarrekin. Norberak norbere lan eta bizi-baldintzak erabakitzeko eskubidea aldarrikatu dute; Euskal Herriari buruzko erabakiak Euskal Herrian hartu behar direla.
Eta eredugarriak dira horretan. Koordinatuta eta elkarrekin aritze horretan. Eta horregatik eman nahi izan diote atzokoari dimentsio politikoa. Lan harremanetarako eta babes sozialerako euskal esparrua horrelakoen bidez gauzatuko delako gehiago, eta ez esparru horren alde daudela esan bai baina gero Madrilera protestara beharrean hango papurrak negoziatzera joaten direnekin.
Hizpideak
Sindikatuen eredua
Iruzkinak
Ez dago iruzkinik
Ordenatu
