Tabakoaren aurkako gurutzada abiatu dute politikariek, argudio honi helduta: herritarren osasunaren zaintza. Tabernetan erretzea debekatu dute, eta, orain, elkarte gastronomikoetan ere ezin dela erre ohartarazi dute.
Arriskutsua da tabakoaren kea, jakina. Minbizi eragileak ditu: karbono monoxidoa, hidrokarburo aromatiko poliziklikoak, artsenikoa... Baina, hain arriskutsua bada, nola izan daiteke legezkoa tabakoa saltzea?
Eta, bestetik, zergatik ez debekatu substantzia horiek beraiek modu askoz ere masiboago batean atmosferara isurtzen dituzten jarduerak? Zergatik ez egurtu monoxido karbonoaren isurle ikaragarri diren ibilgailuak?
Nola daiteke dioxina, gas eta metal astunen sortzaile diren errauste plantek, porlan eta paper fabrikek, petrolio findegiek eta zentral termikoek inolako eragozpenik gabe jarraitzea herritarren osasunari kalte egiten? Ze, gainera, ke asko dagoen taberna batera sartzea herritarren esku dago, kasu gehienetan; enpresa kutsagarri baten eta autoen kutsaduratik ihes egiterik ez dago.
Hizpideak
Zergatik tabakoa?
Iruzkinak
Ez dago iruzkinik
Ordenatu
