Oportxoetatik itzuli berri, malenkoniarenmaizter eta eguneroko lanaren jopu baldin bazarete, eta ez baldin badakizue opor osteko abaildurari buelta nola eman, ea eguna arintzen dizuen Triesten kontatzen den istoriotxo tristeak:
Berrogei urte Australian etorkin egin eta gero, Toni Triestera itzultzen da. Jaisten da itsasontzitik eta, hunkituta, hiriari begira geratzen da. Ez da ezer aldatu. Maleta tzarra harturik, portua utzi eta kalez kale hasten da. Etxeak, plazak, jendea… Dena dago utzi zuen bezalatsu. Bepi, Gigi eta Ninirekin kartetan aritzen zen tabernatxo aurrera iristen da. Hura ere berdin-berdin dago. Sartzen da tabernan, begiratzen du lagunekin kartetan ibiltzen zen txokora. Bertan dago mahaia, bertan daude Bepi, Gigi eta Nini ere. Pausotxo batzuk ematen ditu lagunenganaino, begiak malkotan. Bepik, jiraturik, laguna ikusten du negarrez. Maleta seinalatzen dio:
—Zer, Toni? Ba hoa?
Hitz beste
Itzulera
Iruzkinak
Ez dago iruzkinik
Ordenatu
