Marrazkilariek perretxiko erraldoi baten gisa irudikatu izan dituzte leherketa atomikoak. Astaputz alimaleko batek zapart sekulakoa egin izan balu bezala. Gehienok gehiago dakigu energia nuklearrak eragindako beldurraz, energia nuklearraz baino. Japoniako zeruan bi perretxiko erraldoi marraztu zituzten aurrekariek ez dute izua izutzeko aukerarik ematen. Ikusten ari garenak ikusita, etorkizunak ere ez. Asko gara, bai, fisioa eta fusioa desberdintzen ez ditugunak, atomoaren estruktura imajinatzen ez dugunak, doi-doi dakigunak Garoñako eta Fukushimako piszinak ez direla igerilekuak. Baina gure baitako beldurrari energia berritu zaio, fisioak eta fusioak zapart egin dute izu zaharren nukleoan, gero eta sakonago somatizatzen ari gara erreaktore baten barruan bizi bagina bezalako sentipen kontrolik gabe hori.
Energia nuklearraz asko omen dakiten adituek diotenez, energia nuklearraz tutik ere ez dakigulako da.
Hitz beste
Izua nukleoan
Iruzkinak
Ez dago iruzkinik
Ordenatu
