Igandeko bozetan 1.718.696 pertsona geunden deituta. Pertsona, gizabanakoa. Auzia da pertsona bat aktoreen maskara zela erromatarrentzat. Horregatik ere izango dira hauteskundeak sekretuak. Baina ez dakit noiz, pertsonak —mundualdia bizi dugun gizakiok— eta pertsonaiak —liburuetakoak, antzerkikoak, zinekoak— bereizten hasi ginen. Oinarrian, ordea, jatorrizko itzal luze interesgarria dago: zu eta ni, gizakiok, pertsonak gara. Antzerkia egiten dugu, maskararekin gabiltza, gure ingurua da gure oholtza eta publiko.
Hogeita bost urte Koldo Mitxelena hil zela. Errenteriarrak pertsona deitzen zien baita guk pertsonaia deitzen diegunei ere. Adibidez: «egiazki, pertsona bat da beti nagusi Barojaren liburuetan». Mitxelenarentzat pertsonak gara gizakiok, baina baita fikzioaren bideetan atzera-aurrera dabiltzan gizon-emakumeak ere.
Egunero hasten delako errealitatezko fikzioari ekin diogu hurrengo hauteskundeak arte.
Hitz beste
Pertsona
Iruzkinak
Ez dago iruzkinik
Ordenatu
