Sasoiaren neurria

XVIII mendearen bukaeran -Iraultza Frantsesa gertatzen ari zen ia une berean-, Edmund Burke eskoziarrak liburu bat idatzi zuen, adituek asko famatzen dutena, garai asaldurazko haien gainean. Ez dut liburua ezagutzen, baina bai bertan agertzen den esaldi bat: «Bizitzen ari garen sasoia aparta da oso, baina gu, gentleman kaskailuok, kaskarrak gara». Gaztetan izan genuen historiako irakasleak askotan errepikatu zigun aipua, bai iraultza frantsesaz ari zelarik, baita beste edozein zirkunstantziatan ere. Ez zen, ordea, iraultza goraipatzeko: Burke iraultzaren etsaia zen; historiako irakaslea ere halaxe (apaiza zen).

Nolanahi ere den, eta esaldia geurera ekarriz: dabiltzan hots guztien arabera, bizitzen ari garen sasoia garai hobeen atari izango omen da. Etorkizuna, ordea,ez da birjin-birjin etorriko, ez du halabeharrak ekarriko. Lortuko bagenu Burkek salatzen zuen kaskarkeriatik irtetea...