Jendea gehiegi bizitzen ari da, nori bururatzen zaio laurogei, laurogeita hamar, ehun urte harrapatzea! Eta zer esan gaixotzen diren zaharren kontsiderazio falta itsusiaz? Etxeak botikez lepo dauzkate, Diogenesena bezalako sindromea baleukate bezala, baina farmazeutikoa. Zahar etxe duinak, zahar etxe duinak! Zer hasi behar dugu, miserikordiak hiriko izkina bakoitzean jartzen? Eta gainera, Donostiako Mirakontxan nahiko dituzte, yakuzzia eta guzti! Zer, ttirriki-ttarraka gastatzen dituzten zapatilak ere sistemaren kontura, ala? Bizitza luzatu nahi izatea, hor nonbait, baina kategoria pixka batekin.
Hori guztia ez da nik esana, FMIk baizik, Nazioarteko Fondo Monetarioak. Ez dituzte, noski, hitz horiek erabili, badakite sibilinoak izaten, baina esan, garbi esan dute: jendearen adina sekulako arriskua da ekonomiarentzat.
Hainbeste debate eutanasiaren kontra, eta, azkenean, debalde jarriko digute.
Hitz beste
Ttirriki-ttarraka
Iruzkinak
Ez dago iruzkinik
Ordenatu
