Urte-sasoi honetan, mendietan su, basoek erremin. Urtero-urtero, suteak albiste. Neguan elurra egiten duen eran, udan suteak gertatzen dira: ematen du udararen logikak eskatzen duela aldian behin mendiak eta basoak erretzea; gure ahalmenetatik kanpo dagoela uda-legea apurtzea. «Mendi bat erretzen denean, zure zerbait erretzen da», esaten zuen mendiak zaintzeko gonbidapenak. Eragin gutxirekin, ordea. Suak telebistan gertatzen dira. Hedabideetan. Toki urrutietan ia beti, oso laburretan gure etxetik hurbil.Horregatik, mendi bat erretzen denean, balirudike ez dela gure ezer erretzen. Asteburu honetan eman dituzten Gironako irudi gori-gorri gogorrek pelikula batetik ateratako eszenak ziruditen. Eta hildakoen pasadizo tragikoak ere —sutetik ihes zihoazela, labarrera jauzi egin eta hil bitartekoak— gidoi batetik hartutako sekuentzia ematen du.
Telebistako pelikulari begira segitzen dugu. Elurra ariko balu bezala.
Hitz beste
Uda-legea
Iruzkinak
Ez dago iruzkinik
Ordenatu
