Kirmen Kantu zaharren eguna

Denbora urria zela esaten zidan nire aitona zenak, eta hobe nuela denbora ez uxatzea.Joan den egunean egunkari honetako Santi Leoneren azken orrialdeko zutabea irakurri ostean denbora uxatu izanaren sentipena izan nuen. Barregarria gertatu zaio nonbait Kirmen Uribek «emazteki baten ikuspuntutik idatzi nahiko lukeela» esandakoa. Hortik gainerakoak Ondarroako idazleari buruzko digresio ergel bat izan zen eta bertan begibistan geratzen zen ezin duela ezkutatu idazleak eragiten dion ezinikusia; bide batez, berebiziko ekarpen bat egin dio hizkuntzari: asmatu du nola itzul daiteken guay izenlaguna euskaraz, kirmen hitza aproposa iruditu zaio hortarako. Euskaltzaindiak eta euskal hiztunok, oro har eskertu nahi dizugu erakutsi duzun agudeziagatik. Hobe luke artikulugile honek hobeto probestea BERRIAk eskaini dion talai paregabea gauza zentzuzkoagoetaz idazteko eta ez erabiltzeko erremina eragiten dion idazle bat hain modu zatarrean iraintzeko.

P.D.: Gogoan dut nire aitona zenak esaten zidan beste zerbait, alegia, ez dagoela bekaizkeria erabat saihesterik, izan ere azken finean gizakiak gara.

Nestor Arrillaga. Pasai San Pedro.

Kantu zaharren eguna

Urdazubin Euskal kantu zaharren eguna ospatu genuen. Euskal kantu herrikoien ehunka zaleren bilgune goxo bilakatu zen. Ezinbestean, Angel Mairezkurrena eratsundarra aipatu behar da. Txalo bero bat egun honen antolakuntza lanetan taldekide dituen denei. Eskerrik beroenak jaialdi eder hau babesten duten elkarte eta erakunde guztiei.

Jon Barandiaran. Elgoibar.