Patxi Zabaletari

Iragandako igandean BERRIAn Patxi Zabaletari egindako elkarrizketa irakurri nuen. Bertan, kazetariak galdetzen zion: «Orduan, EAri eskatu diozue sinatzeko dokumentu bat non esaten den Batasunarekin zer hitzarmen dituen...». Eta haren erantzuna: «Ez, ez diogu esaten Batasunarekin dituen hitzarmenak hausteko». Gezur galanta. Horren froga Aralarrek, PNVk eta independenteek sinatu duten eta guri sinatu arazi nahi izan diguten dokumentua da. Bertan esaten da: «Honek guztiak uzten du, nabarmenki baliorik gabe, Nafarroari dagokionez eta adierazitako epean, Batasunarekin sinatutako akordio ezberdinetan bildutakoa». Argi frogatzen da gezurretan ari dela. Bota egin gaituzte NaBaitik.