Futbolak hartuko du Mutriku egun batzuetan. Asier Illarramendi Real Madrileko jokalari mutrikuarrak antolatuta, haren izena daraman campusa ari dira egiten. 8 eta 12 urte bitarteko 70 gazte ari dira. Atzo hasi zen campusa, eta ostiral honetan amaituko da.
Tarte horretan egitarau zehatza izango dute: 09:45ean hasiko dute jardunaldia; 10:00etan, hamaiketakoa; 11:00etan, eguneko lehen entrenamendua; eta 13:00ean, bazkaria (egunero hitzaldi bat izango dute bertan: lehen sorospenak, birziklapena, elikadura...); 15:00etan, berriz, eguneko bigarren entrenamendua egingo dute; 17:30ean, askaria; eta 18:00etan amaituko dute eguneko lana. Parte hartzaileak lau taldetan egongo dira banatuta.
Illarramendik antolatutako campusak hainbat erakunde eta enpresaren babesa du: Gipuzkoako Aldundia, BERRIA egunkaria, Aizpurua autobusak, Autos Mutriku, Las Cañitas de Briñas, Kaiku, La Chimenea eta Bahia Internacional.
