Akaba Bera Bera Donostiako taldeak Errekopako finalerdia jokatuko du, gaur arratsaldean Danimarkan KIF Vegen taldeari final-laurdenetako itzuliko partida irabazi ondoren: 27-28.
Joanekoan 26-27 galdu zuen Bera Berak etxean. Gol aldeagatik egin du aurrera, beraz.
Nagusi izan da gaur. Atsedenean, kasu, 12-13 zihoan aurretik. Partida bukatzeko hamabost minutu falta zirela, berriz, 18-23. Azkeneko minutuan 27na zeuden, eta baloia danimarkarrek. Baina gaizki jokatu dute erasoan, Tervel Bera Berako jokalariak baloia eskuratu du eta azkeneko segundoan sartu du gol erabakigarria.
Kif Vejen. 27. Anderssen, Eric (7 gol), Melbeck (4), Hojfeldt (6), Binger (2), Sockhoh (2), Jessen, Boessen, Gustaffson (2), Suangard (2), Fons (1), Hansen, Kastrup (1), Rokll.
Akaba Bera Bera. 28. Bouveret, Ziarsolo (5), Agirre (5), Tervel (4), Pinedo (4), Valverde (1), Tati Garmendia (5), Rubio (2), San Roman (2), Esme Lopez, Petrinja, Krnic, Aisa, Puche.
Eskubaloia
Akaba Bera Bera Errekopako finalerdietara
27-28 irabazi du gaur arratsaldean Danimarkan, joaneko partidan etxean 26-27 galdu ondotik. Gol aldeagatik egin du aurrera. Azkeneko segundoan sartu du gol erabakigarria Tervelek.
Iruzkinak
Ez dago iruzkinik
Ordenatu
