FUTBOLA. Aurrera segitzen du Australiako eta Zeelanda Berriko Munduko Kopak. Atzo, Alemania 6-0 gailendu zitzaion Marokori. Italiak eta Argentinak ere neurtu zituzten indarrak, eta, azkenean, italiarrek irabazi zuten, 1-0. Brasilek 4-0 hartu zuen mendean Panama.
Alemaniak kontrolpean izan zuen norgehiagoka hasieratik bukaerara. Alexandra Popp kapitainaren bi golekin bideratu zuen garaipena lehen zatian. Marokok ezin izan zion eutsi Alemaniaren erritmoari bigarren zatian, eta neurketa erabat hautsi zen.
Brasilek irabazitako partidan, Ary Borges izan zen jokalaririk onena, hiru gol sartuta. Bosgarren minuturako aurretik ziren brasildarrak, Bia Zanerattok sartutako golari esker, eta Panamak ezin izan zuen partidaren norabidea aldatu.
Argentina hobeto hasi zen Italiaren aurka. Mariana Larroquettek gertu izan zuen1-0ekoa. Hala ere, Italiak partida kontrolatzea lortu zuen, eta, amaitzear zela, Cristiana Girellik gola sartu zuen.
Alemania eta Brasil bikain, baina Argentina larri
Iruzkinak
Ez dago iruzkinik
Ordenatu
