Ander Herrerak ezkerreko meniskoa hautsi du

ATHLETIC. Ander Herrerak ezker belauneko meniskoa hautsi zuen igandean, Espanyolen aurka jokatutako partidan. Atzo goizean egin zioten erresonantziak hori zehaztu zuen. Herreraren lesioa artatuko duen mediku baten bila hasi da Athletic, traumatologian aditua dena. Hark zehaztuko du taldetik kanpo egongo den denbora. Ondorengo egunetan jakingo da lesioaren larritasuna. Horrelako lesio batekin, ohikoena gutxienez bi hilabetez taldetik kanpo egotea da. Hori gertatuko balitz, bederatzi partida galduko lituzke gutxienez, sei Espainiako Ligakoak eta hiru Europako Ligakoak.