Aperribai: «Ezin dugu politika gaietan sartu»

REALA. Jokin Aperribai Realeko presidenteak atzo aitortu zuen klubak ez duela begi onez ikusi taldeko zortzi jokalarik atxikimendua eman izana iragan larunbatean presoen alde Bilbon egin zen manifestazioari. «Horrelako ekimenek ez diote mesederik egiten klubaren batasunari. Elkarte Anonimo bat gara, eta ezin dugu politika gaietan sartu». Aperribaik argi utzi nahi izan zuen zortzi jokalari horiek ez zutela klubaren izenean hitz egiten manifestazioari atxikimendua eman ziotenean, «euren izenean» baizik. Hori egiteko «eskubide osoa» zutela gogoratu arren, Aperribaik nabarmendu zuen jokalari horiek Reala «estutasunean» jarri dutela.