Athleticek 3-2 galdu du Madrilen aurka

Athletic esku hutsik itzuli zen atzo etxera. 3-2 galdu zuen Madrilen aurka, Espainiako Lehen Mailako 22. jardunaldian. Etxekoek gola sartu zuten hasi eta berehala, baina Pekek bana berdindu zuen hamaseigarren minutuan. Estu zihoan lehia, lehen zatiaren hondarrean Madrilek bi gol sartu zituen arte. Bigarren zatian, Claudia Pinedok aldea murriztu zuen penaltiz, baina hortxe geratu zen bisitarien susperraldia. Atzo galduta, sailkapenean gora egin ezinik dabil oraindik Iraia Iturregik entrenatutako taldea: hamargarren postuan dago, jaistetik bost puntura.

Gaur, derbia jokatuko dute Realak eta Alavesek Zubietan (12:00, Gol). Gipuzkoarrek suspertu egin nahi dute, bost jardunaldi baitaramatzate irabazi gabe. Arabarrek, berriz, azken jardunaldiko garaipenari segida eman nahi diote, jaisteko postuak atzean uzteko.