Banan-banan

Claudio Bravo

Bere zutoinetik sartu zioten bigarren gola. Ohi baino zalantza gehiago sortu zuen atzean.

Carlos Martinez

Ohi baino gutxiago egin zuen gora, eta sufritu egin zuen Son eta Boenischekin. Oldarkor beti.

Mikel Gonzalez

Huts asko pilatu zituen, eta berea izan zen lehen goleko falta. Mailarik onenetik urrun.

Iñigo Martinez

Behetik gora. Kosta egin zitzaion partidan sartzea, baina sendo amaitu zuen jokoan.

Alberto De la Bella

Nekaezin. Aukera asko eskaintzen du erasoan. Sendo atzean, eta bizi zelai erdia igarotakoan.

Gorka Elustondo

Berritasun nagusia. Partida serioa. Aurkariaren areara iritsita, aukera on bat eduki zuen.

Markel Bergara

Partida handia jokatu zuen, baina inoiz egin ezin den falta egin zuen 92. minutuan. Pena.

David Zurutuza

Harrigarri. Beste zerbait ematen dio taldeari. Aldaketa eskatu behar izan zuen amaieran.

Carlos Vela

Itzalita lehen zatian, oso bizi bigarrenean. Penaltia huts egin zuen. 1-2koa eduki zuen.

Antoine Griezmann

Aurrealdean berak sortu zuen arrisku gehien. Mugikortasun handiarekin. Ari da pizten.

Haris Seferovic

Gol aukera gutxi izan arren, partida txukuna. Bizkarrez eta baloia eusten, oso fin. Gola falta.

Imanol Agirretxe

Lo hartu zuen 1-2koa izan behar zuen jokaldian. Gainerakoan, txikun. Pase ona Griezmanni.

Chory Castro

Oso minutu gutxi eta ia aukerarik ez. Galdu egin zuen ukitu zuen baloi bakarra.

Javi Ros

Zelairatu eta gola jaso. Pausorik ere ez zuen eman ia. Denbora galtzekoa zen aldaketa.

Jagoba Arrasate

Asmatu egin zuen hamaikakoarekin, baina kosta egin zitzaion aldaketak egitea. Zorte handirik gabe jarraitzen du.