Bengoetxea VI.a-Larunbek berriz hartu nahi dituzte ezustean Irribarria-Rezusta

PILOTA. Irribarria-Rezustak bi partida besterik ez dute galdu Binakako Txapelketan, biak Bengoetxea VI.a-Larunberen aurka; 22-16 eta 22-21, hurrenez hurren. Igandean berriro ariko dira elkarren aurka, Donostian (17:00, ETB1). Irabazlea finalean izango da ia ziurrenik. Bezperan, berriz, partida erabakigarria jokatuko dute Olaizola II.a-Untoriak eta Elezkano II.a-Zabaletak, Iruñean. Galtzaileak agur esango du.