Goizean goiz jaiki, motxila prestatu eta mendira. Horixe egin dute gaur goizaldeko bostak baino lehen bi mila lagun inguruk. Izan ere, ordutxu horretan hasten zen Tolosako 14 orduko martxa. Berazubi estadioaren kanpoaldean elkartu dira parte hartzaileak, tartean, jende ezagun ugari, besteak beste, Edurne Pasaban eta Iker Karrera kirolariak, edota Andoni Aizpuru telebista aurkezlea.
Aurten berrikuntzak ere izan dira lasterketan. Izan ere, eurreko urteetan ez bezala antolatzailek erabaki dute ez dutela janaririk banatuko anoa guneetan. "Asko dira elikadura berezia behar dutenak, eta arazorik egon ez dadin, bakoitzari berea eramateko eskatu diogu, garai batean egiten zen moduan", azaldu du antolatzaileetako batek.
