Buesa Arena handitzeko lanak, martxotik aurrera

SASKIBALOIA. Buesa Arena handitzeko lanak martxoaren 7an hasiko dira, eta 2012ko ekainera arte iraungo dute. Pabiloiak 15.240 ikuslerentzako tokia izango du —9.000rentzat da orain—, eta lanak 25,5 milioi euro kostako dira. Lanen plangintzaren arabera, taldeak hiru hilabetez baino ez du jokatuko Buesa Arenatik kanpo, eta Gasteizko Udalak zezen plaza eskaini dio Baskoniari tarte horretan jokatzeko.