Jonathan Castroviejo (Euskaltel-Euskadi) Espainiako Txapelketako erlojupeko proba irabazteko faboritoen artean zegoen, baina podiumetik kanpo geratu zen azkenean bizkaitarra. Denborarik onenetan bosgarrena egin zuen getxoztarrak Villarrobledon (Espainia) jokatzen ari diren txapelketetan. Luis Leon Sanchezek (Caisse d'Epargne) irabazi zuen proba, 43.34 minutuko denborarekin, Jose Ivan Gutierrez taldekidea sailkatu zen bigarren, 41 segundora, eta Ruben Plaza taldekidea hirugarren, 58 segundora. Caisse d'Epargneko hiru txirrindulari sailkatu ziren lehen hiru postuetan.
Luis Leon Sanchezengandik 1.28 minutura sailkatu zen Castroviejo, Gustavo Cesar Velosoren (Xacobeo Galicia) denbora berbera eginda. 36,3 kilometro zeuzkan atzoko erlojupekoak, eta lehen erreferentzia puntuan jada Luis Leon Sanchezekiko 48 segundo galdu zituen Castroviejok. Arkaitz Duranek (Footon-Servetto), berriz, denborarik onenetan bederatzigarrena lortu zuen, Luis Leon Sanchezengandik 2.55 minutura.
Gaur emakumezkoen errepideko proba jokatuko da, eta Leire Olaberria ageri da faboritoen artean. Ormaiztegiarrak erlojupeko proba irabazi zuen herenegun.
Castroviejo, podiumetik kanpo
Bizkaitarra bosgarren sailkatu da Espainiako Txapelketako erlojupeko proban; Luis Leon Sanchezek irabazi du
Iruzkinak
Ez dago iruzkinik
Ordenatu
