David Secok hilaren 26an esango du agur, Busturian

ZIKLO-KROSA. Festa handi batekin esango du agur David Secok, hilaren 26an, Busturian (Bizkaia), bere jaioterrian. Bizkaitarrak 17 urte igaro ditu profesionaletan, eta bera izan da Euskal Herriko ziklo-kroslaririk onena. Ciclo Cross Shox David Seco izena jarri diote ikuskizunari, eta hainbat lasterketa izango dira, ume, heldu zein profesionalentzat. Txirrindulari ezagun asko elkartuko dira Busturian.