Elhorgak sei hilabete egin beharko ditu jokatu gabe

ERRUGBIA. Iragan larunbatean, Toulonen aurkako partidan, uste baino larriago zauritu zen Pepito Elhorga. Jokalari saratarrak ezker belaunean zaintiratua dauka, eta sei hilabetez jokatu ezinda egonen da. Sasoi honetan berriz zelaian ikustea zaila izanen da. Christian Gajan Baionako kirol zuzendariak zehaztu du haren ordezkorik ez duela fitxatuko, eta harrobiaren alde eginen duela.