Euskal selekzioa bosgarrenez izan da munduko txapeldun

KAYAK SURFA. Euskal selekzioak munduko txapela irabazi du berriz ere, Portrushen (Ipar Irlanda). Asteburuan jokatu dira txapelketak, eta euskal ordezkariek (30 puntu) bost punturen aldea atera diote Ingalaterra bigarren sailkatuari (35 puntu). Hirugarren Gales izan da (46 puntu), eta Irlanda laugarren (49 puntu). Bederatzi herrialdeetako selekzioek hartu dute parte.

Euskal selekzioaren bosgarren munduko titulua da, Bakio-Mundaka (2007), AEB (2011), Australia (2013) eta Galiziakoen ondoren (2015). Taldekako urreaz gain, hamahiru domina lortu ditu bakarkako probetan, horietatik bi, urrezkoak: Ainhoa Tolosak emakumezkoen nagusi mailan, eta Hode Crujeiras gizonezkoen junior mailan.

Irlandara joaniko euskal ordezkaritza hamalau kidekoa izan da: Ainhoa Tolosa, Irati Bordagarai, Olatz Garmendia, Enara Ibarburu, Txema Carreto, Oskar Martinez, Luis Abando, Xabi Olano, Gorka Martin, Edu Etxeberria, Oier Etxeberria, Oier Uruburu eta Hodei Crujeiras.