Roger Federerrek eta Novak Djokovicek izerdia latz bota behar izan zuten atzo Roland Garroseko finalerdietara sailkatzeko. Biek ala biek bost set behar izan zituzten helburua lortzeko. Suitzarrak Juan Martin del Potro kanporatu zuen (3-6, 6-7, 6-2, 6-0 eta 6-3). Lehen bi setak galdu egin zituen, baina gehiago izan zen azkenean.
Djokovic estuago ibili zen Jo-Wilfried Tsonga mendean hartzeko (6-1, 5-7, 5-7, 7-6 eta 6-1). Lehen setean aise gailendu zen, baina hurrengo biak galdu egin zituen. Laugarren setean etxera joateko zorian egon zen, baina erakutsi zuen txapeldun handia dela. Federer eta Djokovic elkarren kontra ariko dira finalerdietan. Beste bi final-laurdenak gaur jokatuko dira: David Ferrer Andy Murrayren aurka, eta Nicolas Almagro Rafa Nadalen kontra.
Stosur eta Erroni, aurrera
Emakumezkoetan, Samantha Stosurrek eta Sara Erronik lortu zuten finalerdietara pasatzea; Stosurrek Dominika Cibulkovari irabazi zion, eta Erronik, Angelique Kerberri.
Federerrek eta Djokovicek sufrituta egin dute aurrera Roland Garrosen
Suitzarra eta serbiarra elkarren kontra ariko dira finalerdietan, Del Potro eta Tsonga kanporatu ondoren
Iruzkinak
Ez dago iruzkinik
Ordenatu
