Garraldak erretiroa hartu du, 42 urterekin

ESKUBALOIA. Mateo Garraldak eskubaloi jokalari izateari utzi dio, eta Guadalajara Asobal ligako taldea entrenatuko du datorren sasoian. Garraldak 42 urte ditu, eta 26 urteko ibilbidean garaipen zerrenda ikusgarria pilatu du: Europako sei Kopa, hiru Errekopa, lau Superkopa, EHF kopa bat, zortzi Liga, hiru Kopa, bi Asobal kopa, hiru Superkopa eta bi brontze Olinpiar Jokoetan, besteak beste.