Gaur inauguratuko dute Bizkaia pilotalekua

ESKU-HUSKA. Gaur egingo dute Bilboko Bizkaia pilotaleku berriko inaugurazio ekitaldi ofiziala (12:00). Hainbat pilotari eta pilotari ohi bizkaitar elkartuko dira han. Lehen jaialdia, ordea, hilaren 19ko asteburuan jokatuko da. Hainbat pilotarik probatu dute dagoeneko kantxa berria, eta lurra zein frontisa egokiak direla adierazi dute.