Txirrindularitza
Gaurtik igandera jokatuko da Emakumeen XVIII. bira, partaidetza bikainarekin
Tropel profesionaleko txirrindulari onenak ariko dira gaurtik igandera Emakumeen XVIII. Biran. 100 txirrindularik parte hartuko dute, 17 taldetan banatuta. Izen ospetsuak daude parte-hartzaileen artean: Joane Somarriba (hiru aldiz irabazi du lasterketa), Judith Arndt (munduko txapelduna eta zilarra Atenasko Olinpiar Jokoetan) eta Suzanne Ljungskog (munduko txapeldun ohia), besteak beste.
Lau etapa jokatuko dira: lehena, Iurreta-Elorrio (81 km.); bigarrena, Lekeitio-Lekeitio (103,4 km.); hirugarrenean bi sektore jokatuko dira, Goiuriako kronoigoera (2,85 km.) eta Sopela-Sopela (88 km.); eta azkena, Bilbo-Bilbo (107,2 km.).
Iruzkinak
Ez dago iruzkinik
Ordenatu
