Mathew Gossek (Columbia) irabazi du gaur 93. Italiako Giroko bederatzigarren etapa -Frosinone-Cava De'Tirreni, 187 kilometro-, esprintean. Filippo Pozzato (Katusha) eta Tyler Farrar (Garmin) izan dira bigarren eta hirugarren. Giroa irabazteko faborito gehienek ez dute denborarik galdu.
Sailkapen nagusiko lehen postuetan ez dago aldaketarik. Aleksandr Vinokurovek segitzen du lider. Cadel Evans dago bigarren, 1.12ra.
Bihar korrituko dute hamargarren etapa: Avellino-Bitonto (230 kilometro). Hirugarren mailako mendate bat izango dute, 91. kilometroan.
Maiatzaren 30ean amaituko da Giroa, Veronan, 15,3 kilometroko erlojupekoarekin.
txirrindularitza
Goss irabazle Giroan
Iruzkinak
Ez dago iruzkinik
Ordenatu
