Hamabi traineru ariko dira lehian Euskotren ligarako sailkapenean

ARRAUNA. Hamabi ontzi ariko dira heldu den uztailaren 8an eta 9an Donostian eta Orion (Gipuzkoa), Euskotren ligarako sailkatzeko lehian: Arraun Lagunak, Cabo, Lea Artibai, Deustu, Donostiarra, Hernani, Hibaika, Hondarribia, Orio, Portugalete, Zumaia eta San Juan. Azken traineru hori izan da txapeldun azken hiru urteetan, eta horregatik postu ziurra izan du beti Euskotren ligan. Aurten, ordea, gutxienez bosgarren izan behar du bi jardunaldietako batean.